Министерот за образование и наука на Република Македонија, м-р Панче Кралев и заменик министерот за образование и наука Сафет Незири  денес одржаа работна средба со претставници на УСАИД, на која им беше презентиран проектот „Мултиетничко интегрирано образование“.

Главната цел на овој проект е да се подигне свеста во општеството за важноста од воведување на интегрирано мултиетничко образование во основните и средните училишта. Проектот конкретно ќе работи на организирање обуки, обезбедување на техничка помош и поддршка  за раководствата на училиштата, административниот кадар како и за учителите и наставниците со цел воспоставување на интегриран мултиетнички пристап во образование.    

Овој проект претставува зедничка иницијатива која произлезе од соработката помеѓу Министерството за образование и наука и Американската агенција за меѓународен развој во Република Македонија (УСАИД). Проектот е во траење од четири години и реализацијата на истиот изнесува 5,200,000 долари.