Jam  e nderuar që sot mund të marrë pjesë në  fillimin e vitit të ri akademik në Universitetin e Evropës Juglindore në Tetovë, universitet që shtatë vite me radhë dhe me të drejtë po e  mban epitetin e universitetit evropian dhe bashk.

Gjatë kësaj periudhe pune për këtë institucion lirisht mund të thuhet se ka arritur shkallën e universiteteve që kanë rolë bartës në zhvillimin e arsimit të lartë në vend dhe më gjërë. Prandaj sot  qytetarët, shteti, përkatësisht të gjithë ne mburemi që në shoqërinë tonë po funksionon me sukses një universitet shumëgjuhësor, i cili gjatë shtatë viteve të kaluara dëshmoi se është  një përparësi e një shoqërie multietnike. Dhe, me këtë fakt sot mburet  shteti dhe shoqëria maqedonase, por duhet të mbureni edhe ju studentët dhe stafi arsimor i universitetit, sepse për tu përshëndetur është puna e juaj profesionale në drejtim të realizimit të parimeve të Deklaratës së Bolonjës,aktiviteti juaj për vendosjen e lidhjeve të reja me institucionet e tjera akademike që të promovohen këmbimi i informatave, kuadrit dhe studentëve dhe të përmirësohet cilësia programeve studimore. Argumentet e këtilla flasin qartë se ky institucion i lartë arsimor është kyçur në vizionin evropian të dijes ku universiteti si kulmi i kierrarkisë së dijes ka qëllim të përbashkët, -studentët t,i pasurojë me arsimim profesional dhe kompetent.

Të nderuar studentë,

Qeveria e Republikës së Maqedonisë, gjegjësisht Ministria e Arsimit dhe Shkencës vëmendje të posaçme i kushton  zhvillimit të arsimit, dhe  në prioritetet  programore  të saja vend të posaçëm kanë studentët, të cilët si qytetarë të ardhshëm akademikë i nevojiten   shtetit dhe shoqërisë, si kuadro që do të jenë të përgatitur që të përballen me sfidat e kohës, me trendet reformuese që na afrojnë kah Evropa dhe bota  e arsimuar.Për këtë fakt ne jemi të vendosur që të pengojmë shkuarjen e kuadrove tanë jasht vendit, nga shkaku se ata janë investimi ynë më i madh që premtojnë progres të përgjithshëm për shtetin dhe shoqërinë.

Më lejoni në fund, që juve studentëve  të këtij universiteti dhe të të gjithë universitetve tjera në Republikën e Maqedonisë t,u dëshirojë fillim të mbarë të vitit të ri akademik, punë të mbarë dhe bashkëpunim me profesorët dhe kolegët, t,u dëshiroj që të pasuroheni sa më shumë me dije, e cila nesër  do të mund të futet në garë dhe konkurencë me dijen e çdo universiteti tjetër në botë.    

Falimenderit