Освен за набавка на нови училишни клупи,дел од овие средства ќе бидат наменети и за реконструкција на санитарните јазли во училиштата,кои во моментов се во катастрофална состојба.Премиерот Никола Груевски смета дека тие досега биле срам за образовниот систем и извор на заразни болести

Со 6,5 милиони денари од буџетот за 2008 година, Владата ќе набави 95.000 клупи и ќе ги реконструира санитарните јазли во околу 400 основни и средни училишта.Според Премиерот Никола Груевски, основна причина за досегашната лоша состојба во училиштата е неправилната политика на досегашните влади во поставувањето на приоритетите.Тој смета дека ваквите проекти одат во насока на максимална реализација на предвидените реформи во образованието.
-Нашите деца учеа во мизерни услови, а санитарните јазли беа срам за системот на јавно образование и извор на заразни болести. Децата седеа на стари клупи стари и по неколку децении, додека владите и политичарите зборуваа за образование од 21 век.Опременоста на училиштата со клупи и столчиња не беше третирана како важен момент за во созадавњето на нормални услови за одвивање на училишниот процес. Од 95.000 клупи, 45.000 ќе бидат комплетно опремени со столчиња и ќе се обноват најдотраените клупи во најголем дел од училиштата.Од друга страна состојбата со санитарните јазли во училиштата е алармантна и не ги задоволува основните критериуми.

Вечер, 15.10.2007