|
УТРИНСКИ ВЕСНИК бр.13571, 10.08.2007
| | Наднаслов Наслов на текстот Поднаслов | Тендер за изградба или реконструкција на сто училишта | Владата ќе распише меѓународен тендер за изградба или реконструкција на сто државни училишта со учество на приватен капитал или популарно наречен јавно-приватно партнерство, најави заменик-министерот за образование и наука, Јован Лазаров. На вчерашната прес-конференција во Владата, Лазаров информира дека вкупните материјални средства за градење на училиштето ќе ги обезбеди приватниот инвеститор кој ќе биде избран по пат на меѓународен тендер, а при изборот за најповолен понудувач единствениот критериум ќе биде најниската цена на лизинг.
Вложените средства на инвеститорот ќе му се враќаат на рати во форма на лизинг и се' до исплатата на последната рата училиштето ќе биде во сопственост на инвеститорот, а по отплаќањето тоа преминува во сопственост на општината.
Средствата на инвеститорот ќе му се враќаат во рок од 20 години преку надомест за лизинг и тоа првите две години средствата ќе ги враќа Владата, од третата до десеттата година 90 отсто од средствата ќе враќа Владата, а 10 отсто општината и од 11-тата до 20-тата година 80 отсто од средствата ќе враќа Владата, а 20 отсто општината. Големината и квалитетот на училиштето што ќе треба да се изгради ќе ги утврди Владата заедно со општината, а сите заинтересирани општини ќе треба најдоцна до 15 август да достават апликација. Заменик-министерот Лазаров се надева дека тендерот ќе биде распишан најверојатно до 15 септември. (МИА) | Дневник бр. 3418 | Д.Т | 17.07.2007 | 2 стр. (МАКЕДОНИЈА) | Проширена инф. 1 катег. |
|
Односи со јавност