На 15.10.2008 година, министерот за образование и наука, г-дин Перо Стојановски оствари средба со Шефот на делегацијата на Европската комисија во Република Македонија, амбасадорот Ерван Фуере. Во текот на разговорот беше разгледана состојбата во врска со образованието во Република Македонија. Притоа, едно од прашањата за кое се разговараше, беше Законот за образование за возрасни и неговата натамошна примена. Во таа насока, беше истакната можноста за помош на делегацијата на Европската комисија во Скопје. Исто така, беше разговарано и за други прашања во врска со образованието во Република Македонија со разгледување на можностите за унапредување и интензивирање на постоечката соработка помеѓу двете страни.