На 22.09.2008 година, министерот за образование и наука, г-дин Перо Стојановски имаше средба со амбасадорот на Република Турција во Република Македонија, Неговата екселенција Хакан Окчал. За време на протоколарната средба на амбасадорот на Република Турција, г-дин Хакан Окчал со министерот за образование и наука на Република Македонија, г-дин Перо Стојановски, разменети се мислења за можностите за високо образование кои што ги нуди Република Турција за учениците од Република Македонија, проектите кои што ги води ТИКА (Турската агенција за меѓународна соработка) на полето на образованието и проблемите со кои се среќава образованието на турски јазик во Република Македонија. Во тие рамки, изразена е согласноста за зацврстување на соработката на полето на образованието помеѓу Турција и Македонија, продолжување на напорите за квалитетно образование на децата кои што се образувааат на турски јазик и изнаоѓање на нови можности за соработка.