Врз основа на член 34 од  Законот за високото образование (“ Службен весник на РМ” бр. 35/2008) и Законот за основање на Технолошко-технички факултет, Ветеринарен факултет и Правен факултет  во состав на Универзитетот “Св. Климент Охридски”-Битола (“ Службен весник на РМ” бр. 81/2008), Матичната комисија на Правниот факултет-Кичево објавува

КОНКУРС
за избор на наставници, соработници, административен и помошен персонал

Правниот факултет-Кичево  има потреба од:

I. Наставници во сите  наставно-научните звања :

- од областите  на правните науки:  5 извршители:

- од областите на економските науки : 1 извршител;

- од областите на политичките науки: 1 извршител.

II. Соработници:

II.1.  Aсистент од областите  на правните науки: 1 извршител.

II.2. Помлади асистенти од областите на правните науки: 3 извршители.

III. Административен кадар и помошен персонал:

1. Секретар, со ВСС , дипл. правник - 1 извршител. 
2. Референт за студентски прашања, со ВСС - 1 извршител.
3. Благајник-сметководител, со ВСС, дипл. Економист- 1 извршител.
4. Информатичар, со ВСС  -  1 извршител.
5. Економ - домаќин, со ССС , Средно техничко образование - 1 извршител.
6. Хигиеничар,  со ССС  - 2 извршители.
7. Портир-чувар, со ССС и лиценца за обезбедување - 1 извршител.

Критериуми за избор:

За кандидатите од глава I  при изборот ќе се применуваат критериумите за избор во наставно-научни звања од член 124 и 125 од Законот за високото образование(“ Службен весник на РМ” бр. 35/2008).

За кандидатите од глава II.1.   при изборот ќе се применуваат критериумите за избор во  асистент  од член 130 од Законот за високото образование (“ Службен весник на РМ” бр. 35/2008).

За кандидатите од глава II.2.   при изборот ќе се применуваат критериумите за избор во помлад  асистент  од член 129 од Законот за високото образование (“ Службен весник на РМ” бр. 35/2008).

Кандидатите од глава I  и од глава II, ќе бидат избрани во рокови кои се определени во член 134 од Законот за високото образование(“ Службен весник на РМ” бр. 35/2008).

Кандидатите од глава III ќе засноваат работен однос на неопределно време.

За кандидатите од глава  III работното искуство ќе се смета за предност.

Кандидатите треба да ги исполнуваат и  општите услови предвидени во Законот за работните односи, а задолжително  доставуваат:

-  Пријава;

-  Кратка биографија;

-  Диплома за завршено образование, во оригинал или копија заверена кај нотар;

- Листа од научни трудови објавени во публикации и потврда за познавање на странски јазик (за кандидатите од глава I  и глава II);

- Потврда за тригодишно работно искуство  или потврда за еден мандат како помлад асистент (за кандидатите од глава II.1.);

- Уверение за положен стручен испит (лиценца) во оригинал или копија заверена кај нотар ( за кандидатите од глава III, точка 7);

- Извод од матична книга на родените;

- Уверение за државјанство.

Потребните документи кандидатите треба да ги достават најдоцна до 4-ти август, до Ректоратот на Универзитетот “Св. Климент Охридски”-Битола, на ул. “Бул. 1-ви Мај” бб, со назнака “За Матичната комисија на Правен факултет-Кичево”.

Некомплетните и ненавремено доставените документи нема да се земат на разгледување.

Конкурсот е објавен на интернет страницата:

http:// www.uklo.edu.mk

Информации на телефон: 047 223 788