Владата на Народна Република Кина за учебната 2008/2009 година доделува 7 (седум)  стипендии за додипломски, последипломски, докторски студии и специјализации, почнувајќи од септември 2008 година, на државните универзитети во НР Кина.

Неопходни документи за конкурирање:

• пријавен лист ( се добива во Министерството);
• фотокопија од свидетелства за завршени години, (за редовни студии)- преведени од судски преведувач на англиски јазик и заверени кај нотар;
• фотокопија од диплома за завршено високо образование (последипломски, докторски студии и специјализации) преведени од судски преведувач на англиски јазик и заверени кај нотар;
• фотокопија од уверение за положени испити; (последипломски, докторски студии и специјализации) преведени од судски преведувач на англиски јазик и заверени кај нотар;
• лекарско уверение издадено од државна здравствена организација (образецот се добива во Министерството);
• план за истражување на англиски јазик (до 200 зборови за редовни студии, до 400 зборови за специјализации и до 500 зборови за последипломски и докторски студии); 
• две препораки од универзитетски професори (последипломски, докторски студии и специјализации), како и писмо за прифаќање од избраниот факултет);
• куса биографија;
• потврда за познавање на англиски или кинески јазик. 

Документите се доставуваат во три примероци.

Краен рок за пријавување е 17 април 2008 година.

Формулари за поднесување на кандидатитурите, како и подетални информации можат да се добијат во Министерството за образование и наука, Бул. “Илинден” б.б. - Скопје, тел 3118 - 022, 3115-324, локал 131.,и на веб страницата на ЦСЦ (http://www. csc.edu.cn).