Европскиот центар за мир и развој (ЕЦПД) на Универзитетот за мир на Обединетите нации, Белград, Теразије 41, е меѓународна образовна и истражувачка организација од поширокиот универзитетски систем на Обединетите нации, основана 1983 година со Резолуцијата УП-Ц2 на Советот на Универзитетот за мир на Обединетите нации како меѓународен Регионален центар на овој Универзитет, со подрачје на делување во државите-потписнички на Спогодбата на Конференцијата за европска безбедност и соработка. Универзитетот за мир основан од од Обединетите нации 1984 година склучи меѓудржавна Спогодба со СФР Југославија, која е ратификувана во највисокото законодавно тело, Сојузното собрание на СФРЈ (1985 година), собранијата на конститутивните републики на СФРЈ, вклучувајќи ја и Република Македонија. Врз основа на наведеното, ЕЦПД и Република Македонија на 18.11.1999 година склучија Спогодба за основање на ЕЦПД Регионалниот институт за развојни студии (понатаму РИРС) кој врши образовна и истражувачка дејност на територијата на Македонија, под исти услови како и нејзиниот основоположник, ЕЦПД во подрачјето на своето делување. РИРС својата дејност во Република Македонија ја врши врз основа на (1) Спогодбата меѓу Република Македонија и ЕЦПД за основање на РИРС од 18.11.1999 година; и (2) Регистрацијата на РИРС во Министерството за надворешни работи на Република Македонија од 31.01.2001 година.

 

Дејноста која ЕЦПД ја врши без престан од своето основање (1985) ја сочинуваат:

-         меѓународни постдипломски студии на специјалистички, магистерски и докторски степен на образование;

-      Меѓународно постдипломско стручно усовршување врз основа на ЕЦПД меѓународната програма на трансфер на знаењето (меѓународни постдипломски школи, специјализирани семинари, иновативни курсеви и др.);

-          истражувања со цел за мир и развој;

-          унапредување на меѓународните врски и соработка, и

-          организирање меѓународни научни собири и конференции.

ЕЦПД ужива екстериторијален и дипломатски статус во своето седиште, односно во земјата-домаќин на ЕЦПД и во другите земји во кои ја врши својата дејност преку своите афилијации како што е РИРС во Република Македонија.

Phone +381 11 3246-041, 3246-042, 3246-043, 3246-044, 3246-045  Fax: 3240-673, 3234-082
E-mail  Оваа е-пошта е заштитена од spambots, треба да вклучите JavaScript за да ја видите