Врз основа на Програмата на Владата на Република Македонија за опремување на лабораториите за државните универзитети и јавните научни установи, Министерството за образование и наука ги поканува сите заинтересирани субјекти да достават елаборат со  технички спецификации за набавка на опрема за лаборатории.

Доставените проекти од страна на институциите за создавање нови и опремување на постоечките научноистражувачки лаборатории треба да ги содржат следниве елементите за апликација:

• институција
• назив на лабораторијата
• Раководител или претставник од лабораторијата
• образложение на потребата од основање нова лабораторија
• вид на лабораторија
• намена
• апликативност за научноистражувачки и практични цели
• човечки ресурси (постојни и потребни)
• основна спецификација на опремата
• главни целни области и приоритети на лабораторијата
• соработка со други научни институции при употребата на лабораторијата и потенцијални корисници
• основни финансиски параметри (проценка за потребните финансиски средства за набавка на предложената опрема)
• биографија на раководителот на проектот.

Секоја техничка спецификација треба да биде потпишана од раководител или претставник од лабораторијата и овластениот претставник на институцијата, и истата да има печат на институцијата.

Потребна документација на македонски и на англиски треба да се достави до: Министерството за образование и наука најдоцна до 20 јануари, 2010 год. на следната адреса׃

Министерство за образование и наука
Сектор за унапредување на науката и техничко-технолошкиот развој
бул. „Мито Хаџивасилев Јасмин“бб (кат 14)
1000 Скопје

Лица за контакт: Јулијана Балевска и Александар Тутновски
тел: (02)3140-186