Министерот за образование и наука м-р Абдилаќим Адеми заедно со амбасадорот на Мисијата на ОБСЕ, г-ѓа Маријане Берец, ги доделија признанија на училиштата победници на Јавниот повик за избор на најбезбедни и најчисти училишта во учебната 2014/2015 година. Адеми рече дека МОН и ОБСЕ, втора година по ред го реализират натпреварот за „Најбезбедно и најчисто училиште“.

„Основната цел на училиштата е организација на воспитно образовната дејност. Најважната задача на наставниците е да ги образуваат учениците, да ги научат сами да донесуваат заклучоци, да ги развиваат своите вештини, да ги воспитуваат. За да можат непречено да се реализираат сите активности поврзани со воспитно- образовниот процес, училиштата мора да бидат безбедни и хигиената во нив мора да биде на највисоко ниво. Наша задача е да се грижиме за безбедноста на секое училиште, но исто така, заедно работиме и на подигнување на свеста на учениците кога станува збор за одржување на хигиената во нивните училници, во училишните дворови и училишните спортски сали“, рече Адеми.

За „Најбезбедно и најчисто училиште“ годинава конкурирале 18 основни и 6 средни училишта. Од основните, првото место му припадна на ОУ „Владо Кантарџиев“ од општина Гевгелија, второто место го заслужи ОУ „Климент Охридски“ од с.Драчево, општина Кисела Вода, а на трето место се најде ООУ „Климент Охридски“ од Македонски Брод. За најбезбедни и најчисти средни училишта се избрани СУГС „Владо Тасевски“ од Скопје кое го освои првото место, додека второто место му припадна на СУГС „Никола Карев“ исто така од Скопје.

Адреса

Министерство за образование и наука

ул. Св. Кирил и Методиј бр. 54

1000 Скопје, Република Северна Македонија

Copyright © 2016 mon.gov.mk. Сите права се заштитени.

Контакти

phone icon +389 2 3117 896

fax +389 2 3118 414

mail contact@mon.gov.mk

Поврзете се со нас

facebook-icon

Следете нè на Facebook