Демир Капија, 20 ноември

Водоснабдувањето, земјоделството и невработеноста, се основните проблеми кои граѓаните на Демир Капија ги изнесоа пред евроамбасадорот Ерван Фуере и заменик претседателот на Владата на Република Македонија Ивица Боцевски на денешната трибина „Одиме локално“.

Скопје, 20 ноември

Естонија ја поддржува Македонија во евроатланските аспирации и верува дека проблемот со името наскоро ќе биде решен и земјата ќе стане членка на НАТО, изјави денеска во Скопје шефот на естонската дипломатија Урмас Пает по средбата со македонскиот министер за надворешни работи Антонио Милошоски.

Берово, 20 ноември

Пет деца без родителска грижа на возраст од пет до 12 години од денеска се сместени во првиот мал групен дом во Берово, што го отворија министерот за труд и социјална политика Џељаљ Бајрами и претставникот на УНИЦЕФ во Македонија Шелдон Јет.

Скопје, 20 ноември

Високото образование е единствен простор, без разлика дали се работи за јавни или за приватни високообразовни установи, изјави министерот Перо Стојановски пред средбата со ректорите, директорите и деканите на приватните високообразовни институции. Министерството за образование и наука ја организираше средбата за да согледа што е потребно за да ја подобри комуникацијата со приватниот образовен сектор.

Скопје, 20 ноември

Случајот отворен пред Меѓународниот суд на правдата се однесува на членот 11 од Времената спогодба и сметам дека и во Атина и во Скопје е сосема јасно дека тој не се однесува на разликите околу името меѓу Македонија и Грција. Сметам дека се многу важни изјавите на високи официјални лица и во двете земји дека остануваат посветени на процесот кој се води со посредништво на ОН и тоа е добар сигнал, рече шефот на македонската дипломатија Антонио Милошоски по денешната средба со министерот за надворешни работи на Естонија Урмас Пает.

Охрид, 20 ноември

Македонија сака своите позитивни искуства и предизвиците со кои се соочува во услови на глобална економска криза да ги сподели со партнерите од регионот, истакна министерот за економија Фатмир Бесими во воведното обраќање на Регионалниот економски форум за ЈИЕ што денеска почна во Охрид.