Министерството за образование и наука на Република Македонија известува дека на 21.01.2012 година  Министерот Панче Кралев  одржа работен состанок со Синдикатот за образование наука и култура на Република Македонија. На состанокот покрај претставници од МОН и СОНК присуствуваа Бирото за развој на образованието и Државниот просветен инспекторат.

На средбата присутните исцрпно дискутираа за ревизија на наставниот план и програма која им е претставена на учениците, за бројот на изворни предмети во училиштата, за водењето на педагошка евиденција како за користењето на е-дневникот. На средбата се разговараше за фондот на часови кои го имаат наставниците, се разговараше за степенот на реализација на наставната програма од страна на наставниците, и исто така се разговараше за критериумите по кои се оценуваат наставниците.